کرواسون🥐
المقادير:
- 5 كوبايات دقیق
- 2 كوباية مياه دافيه
- نص كوباية زيت
- ربع كوباية حليب بودره
- 2 معلقه كبيره سكر
- 2 معلقه صغيره خميره فوريه
- رشة ملح
- زبده للفرد
- اي نوع حشو تحبوه
- بيضه مع رشة فانيليا للتلميع
**الخطوات والنصایح:
2 - في طبق غويط هنحط كوبايتين دقيق ونضيف الخميرة والسكر ورشة
الملح والحليب البودره ونخلطهم كويس مع بعض.
- نضيف المياه بالتدريج ونخلطهم تاني لحد ماتتجانس المكونات مع
بعضها.
- نغطي العجينه ونسيبها 10 دقايق عشان تخمر.
- بعد ال 10 دقايق نحط الزيت وباقي كمية الدقيق ونعجن العجينه مره
كمان لحد ما تبقا طریه و متماسكه.
- نقسم عجينة لكور متوسطة الحجم ونسيبها ترتاح شويه حوالي 5 دقايق.
- على سطح مرشوش عليه شوية دقيق نفرد كل كوره من العجينه بالنشابه
لحد ماتبقا رقيقه وندهنها بالزبده.
- نحط كور العجين فوق بعضها، ولازم ندهن زبده بين كل طبقة والتانيه.
- نفرد كل الطبقات مره کمان بالنشابه لحد ما الطبقه تبقا رقيقه وبعدين
نقطعها مثلثات متساوية الحجم.
- نضيف الحشو حسب الرغبه ونلف براحه من رأس المثلث فوق لحد تحت .
- نجيب صينيه ونرص فيها الكرواسون .
- نخفق البيضه مع رشة الفانيليا وندهن بيها الكرواسون ونسيبه نص ساعه
یخمر.
- نسخن الفرن على درجة حرارة 180.
- ندخل الصينية الفرن لمدة 20-25 دقیقه، لحد ما يستوي الكرواسون
ويحمر وياخد اللون الدهبي.
عشان الكرواسون ينجح معانا
- الكرواسون من المخبوزات الحساسه للكميات والمعايير في المقادير، فلازم
نلتزم بالوصفه بالظبط.
- اهم حاجه لازم نستخدم نوع زبده كويس جدا.
- المياه واللبن لازم يتضافوا دافيين مش باردين ولا سخنين.
- لازم نفرد العجين بالنشابه كويس لحد ما الطبقة تبقا رقيقه.
- لازم العجين يخمر مرتين مره واحنا بنعمله و مره بعد التشكيل.
- يخبز الكرواسون بصواني غير قابله للإلتصاق، ومش هندهن الصواني بأي
حاجه قبل مانحط الكرواسون عشان العجين بيكون فيه زبده كفايه تمنعه
أنه يلزق في الصينيه.
- لازم نسخن الفرن قبل ماندخل فيه الكرواسون ب 10 دقايق ولازم نحط
الصينية على في منتصف الفرن ونتجنب فتح الفرن اثناء التسويه.
