بلح الشام- Revaly المؤلف : Revaly
اصل المطبخ: اطباق مصريه
التصنيف: حلويات
الفئه : طعام
——————
المقادير :
2 كوب دقيق منخول = 260 جرام
2 كوب ماء
٣ بيضات
2 معلقه كبيره دقيق سميد او دقيق السيمولينا = 30 جرام
معلقه و نص كبار نشا = 20 جرام
معلقه كبيره سكر = ١٥ جرام
رشه ملح
معلقه صغيره فانيليا
ثلث كوب زيت = 70 ملي
طريقه التحضير:
هنحط السكر و الزيت و الميه على النار و مجرد ما يبدأ يغلي هنزل بالدقيق عشان كميه الميه متنقصش و تقل و تغير في المقادير و نقلب بسرعه جدااا عشان ميكلكعش و اول لما يبدأ يبقي عجينه و الدقيق يختفي خالص هننزل بالسميد و النشا و نقلب برضو كويس اوووي لحد لما تتعجن كويس و اتأكد أن العجينه استوت تمام لما القى في الطاسه او الحله اللي بنعجن فيها عملت قشره بيضا كده يبقى تمام و نسبها تبرد خاااالص و بعدين ننزل بيها. في العجان او بالمضرب اليدوي اي حاجه او معلقه انزل ببيضه و الفانيليا و اول لما تختفي خالص ننزل بالبيضه التانيه اهم حاجه نتأكد انها اختفت خالص و يكون العجينه بارد نبدأ بقي نحطها في كيس الحلوانى َويكون في اقمع بتاع الورده المغلقه هيطلعها مظبوطه بالشكل ده لو مش موجود اي شكل تمام عادي و افضل حاجه لبلح الشام الكيس القماش بيبقي سهل عشان هي عجينه تقيله و بتلزق بس مش سايله زي الكيك مثلا بتبقي متماسكه و اجيب بعد كده بقى طاسه فيها زيت غزير و على البارد خالص قبل ما احطو علي النار ابدا اشكلو بالحجم اللي انتو عايزينو و نقص بالمقص و يكون ممسوح بالزيت بين كل مره و مره عشان العجينه متلزقش و بلاش نحط كتيير في الطاسه عشان لسه هيتنفخ لما يتحط على النار و نحطو بقي على نار متوسطه ياخذ لون دهبي خفيف و بعدين نقلل النا اقل من المتوسط بشويه عشان ياخد كلو لون واحد لازم نقلب بقي كويس و اللي بيحب الشربات كتير من جوا و برا يبقي اول لما نطلعو من الزيت نحطو في الشربات لو عايزين يبقي شارب من جوا شويه صغيرين و من برا واخد شربات حلو يبقي اول لما طلعوه من الزيت حطوه في مصفى دقيقه بظبط و حطوه في الشربات و في الحالتين هنحطو في الشربات دقيقه مش اكتر عشان يفضل مقرمش و نحطو على مصفى عشان ينزل اي شربات زياده و بالف هنا ❤️
الشربات :
3كوب سكر
كوب ونص ماء
2 معلقه كبيره عسل جلوكوز
عصير لمونه
رشه فانيليا
طريقه تحضير الشربات :
هنحط السكر و الميه و ندبو شويه بس نقلب من النص بلاش الحروف و طبعا الكلام ده قبل ما نحطو على النار و لو مش عايزن تعملو كده عادي برضو هيطلع مظبوط متقلقش و نسيبو بقي على نار متوسطه و اول لما يبدأ يغلي هنزل بالليمون و الجلوكوز و استني بقي ٨ دقايق و اقفل عليه و احط كيس فانيليا و خلاص كده و طبعا لازم يكون بارد قبل ما نحط بلح الشام ❤️
