طريقه عمل الزلابيه ( وصفات ريڤالي) 😍

 الزلابيه ❤️- Revaly 

المؤلف : Revaly 

اصل المطبخ : اطباق مصريه 

التصنيف : حلويااااات 

الفئه : طعام  

———————————

المقادير ⬇️

١- 2 كوب دقيق

٢- 2 معلقه كبيره نشا

٣- معلقه ونص كبار سكر

٤- معلقه ونص كبار لبن بودره

٥- معلقه كبيره خميره

٦- كوب و ربع ميه دافيه

٧- رشه ملح

مقادير الشربات :

 * 2 كوب سكر

* 2 كوب ميه

*عصير لمونه

طريقه التحضير ⬇️

بحط كل المكونات على بعض معادا الميه وانزل بيها شويه شويه لحد لما يتكون معايا خليط مش خفيف زش الكيكه ولا تقيل زي العجين بتاعه البيتزا مثلا و نسيبها تخمر ساعه اوساعه ونص لحد لما تتضاعف و بعدين آخرج منها الهوا كويس و احط طاسه على النار او حله افضل و زيت كتييير و يكون دافي و ابدا اشكلها باخد العجينه في أيدي واظغط عليها أطلعها بشكل دايره ويكون معايا معلقه في مسحه زيت واخدها برطف المعلقه َ انزلها في الزيت كل مره امسح المعلقه في الزيت عشان لازم ميبقاش فيها عجينه خالص عشان تطلع مدوره وبعدين اقليها لحد لما تاخد لون خفيف وارفعها من الزيت تبرد خالص و بعدين نقيلها تاني بس في زيت سخن تاخد لون دهبي واطلعها و بعدين انزلها في الشربات يكون بارد و هي دافيه مش سخنه اووي عشان الشربات ميسكرش معاكي و نسبها ٣ او ٤ دقايق و بعدين نطلعها على مصفى و بس كده ❤️